അങ്ങനെ മറ്റോരു ഞായറാഴ്ച

ദേ, അങ്ങനെ വേറൊരു ഞായറഴ്ച കൂടെ എന്റെ മുന്നിക്കൂടെ പോണു. ഇന്നലെ രണ്ടാം ശനി ആയിരുന്നു എന്നത് കൂടെ ഓര്‍ക്കുമ്പം ഒരു വിഷമം. ഹാ, പോട്ടെ. രാവിലെ വല്യമ്മേടെ കടേന്ന് ദോശ, പിന്നെ ഉച്ചക്ക് അശോക് നഗറിലെ തട്ടീന്ന് ചപ്പാത്തി അതിന് ശേഷം വൈന്നേരം വരെ രണ്ട് പരീക്ഷയും. വൈകീട്ട് എന്തായാലും സ്വന്തായിട്ട് ദാലും ചോറും വെച്ചു. സത്യം പറയാലോ കിടു ആയിരുന്നു. തീരുമാനിച്ചു.. ഞാനിനി കഴിയുന്നത്ര ദിവസങ്ങളില് വീട്ടില്‍ത്തന്നെ ഉണ്ടാക്കിക്കഴിക്കണം. ഗോപി, ഇന്ന് രാത്രി എപ്പഴോ വീട്ടീന്ന് വരണ്ടതാണ്. കുറച്ചു മുമ്പേ വിളിച്ചിരുന്നു, ഫ്ലൈറ്റ് വൈകിയേ പുറപ്പെടുള്ളൂന്ന്. നന്നായി അപ്പ ഞാനിനി മൂന്ന് മണി വരെ ഇരുന്ന് കോട്ടുവാ ഇടണ്ടല്ലോ. ചങ്ങാതി രാവിലെ ഒരാറ് മണിയൊക്കെ ആവുമ്പോള്‍ എത്തിക്കോളും. മനോരമ ഇയര്‍ ബുക്ക് വായിച്ച് തുടങ്ങീട്ട് ഇപ്പോ ഒരു മാസം ആയിട്ടുണ്ടാവും, ഇത് വരെ പകുതിയേ ആയിട്ടുള്ളൂ. കഷ്ടം!